7/9/2016 Day 3 
Stonehenge + windsor castle + oxford
今日好早就要起身了 我地參加左EvanEvan local tour
會去巨石陣，牛津，同埋溫莎，包入場，不包午餐。
每人團費 £87 會有個耳機比你落車沿途聽佢講野既
7點40 分就要去到tower bridge 附近pick up你 ，
會有架旅行巴車你去Victoria station 匯合既，會有個工作機會話你知你今日Gate 幾 邊個位置上車
去到就去番我地個團集合既位置，成團都35-40 人架，個導師好好人好風趣講野好好笑 成程都好愉快。
不過個團既首要既規則係
準時！No HOT food ! 準時！No HOT food！
我地先先去第一站係溫莎城堡，我期待左好耐了。
10點左右去到，同其他景點一樣都要安檢，有耳機借，同埋今日11:00 都會有換兵睇，安排1.5 小時自由活動比你。
睇完換兵11:30， 個個都衝走，因為約左11:30 集合，逾時不候架！
我地想早少少走都唔得，因為換兵儀式開始左就會閂大閘唔比人出入，都幾麻煩。
上左車之後發現少左好多人都照開車，真係逾時不候架，個幾個團友咁就掉底左係溫莎等其他團接走/離開， 所以勸勉各位真係準時好。
之後就坐車去巨石陣，因為無lunch time ，我地自己都一早準備左d sandwiches 同零食。
巨石陣可能真係唔係人人都鐘意同岩睇，
去到會有一架轉駁車車你去舊石度， 都幾遠既原來。
呢個時間就要用耳機同evanevan既巨石陣地圖，
只要用耳機好似紅外線咁輕輕觸碰地圖就會有野聽，好高科技咁！
不過我就幾中意呢度， 幾靚丫 ！ 之後係澳洲睇過三姊妹石同12門徒， 下次要去復活島睇！
大約圍住影相一個圈都半個鐘了.. 之後就坐轉駁車返去食下野睇下紀念品就走～
之後就去最後一站Oxford !
去感受下牛津既氣氛，係牛津學生既感覺
接近出名既大學我地都會去.. 又會去下harry potter 取景既地方～
大約19:30 就係victoria station 回程解散了
我地就去左食Flat Iron !
都要等40 分鐘， 不過去下toilet 行下就好快有位
每人嗌左一份£10 既steak ! 仲有最愛既焦糖雪糕！
食飽就返酒店附近影下夜晚既Tower Bridge ...
好靚呢紫色☺️
留言列表
