JSYALLDAYTRAVEL的部落格

16/9/2016  DAY12

最後一日了
 

真係好唔捨得呢個旅程完結 ， 我依然好鐘意意大利呢個地方，雖然4大城市都去哂了，但比我揀我都想再去多次，回想起日日都打遊記，話咁快就完結篇了。

今日訓醒天陰陰，又落左雨了，去酒店食早餐，寫下postcard ～
12點預早少少時間去火車站坐車去機場，12:25 就到達機場⋯ 我今日坐15:25 飛機，都唔係好夠時間。

去到機場第一時間就搵tax refund counter , 
嘩去到條隊長到無止境咁呀，真係建議大家如果想退稅+食野+機場最後衝刺shopping 預最少4小時。

排完一輪大約1小時有多，我地兩個人分開排又託人幫手睇下咁，終於搞掂，羅馬機場退稅因為改了制度。
比大家少少tips, 最好就一個人負責一間tax refund 公司，如果一個人幾間根本分不了身，但我都明白係好難控制的。
另外最好online check in jor 有boarding pass 先去退稅，因為去退稅必備就係passport+boarding pass + tax refund doc + 信用卡
條隊好長，唔會有多餘時間機會比你排第二次。

如果你無得online check in , 就唯有要去排隊先，
有幾間tax refund 公司，分開哂隊，所以如果你一個人旅行又要退稅..我諗你都幾頭痕..

然後找人幫手留位置，去check in counter 取登機證但不寄行李，以免海關抽查（但我眼見都無抽查），以防萬一吧。另外，如果手持tax refund 物品又另一條隊的，所以大家真係要預時間去搞手續。

過左關都15就去買下野食，極速行下duty free ，
我地係T3 ，都好多牌子野買呀，食物就連ham cheese olive oil truffle 全部都有得賣....

上到飛機就又開始豬既生活，食飽就訓.....
今次我order jor fruit platter , 中間仲有雪糕食tim！
去到杜拜轉機又行下食下野，
就坐最後一程機返香港了， 係飛機就睇下相，重整下回顧咁。

希望大家係我呢度旅程有所得著啦！
多謝收看！